أرض الاصدقاء
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أرض الاصدقاء

الصداقة لاتموت الا اذ مات الحب
 
الرئيسيةأحدث الصورالتسجيلدخول

 

 ليلة القبض على التوجيهي

اذهب الى الأسفل 
5 مشترك
كاتب الموضوعرسالة
Some body

Some body


مزاجي : ليلة القبض على التوجيهي M5rbha12
sms :
Give ure smile 2 every1 but... give ure heart 2 only 1!

الاوسمه : ليلة القبض على التوجيهي Fb3d4910
ذكر عدد المساهمات : 491
تاريخ الميلاد : 23/12/1994
تاريخ التسجيل : 29/04/2009
العمر : 29

ليلة القبض على التوجيهي Empty
مُساهمةموضوع: ليلة القبض على التوجيهي   ليلة القبض على التوجيهي Icon_minitimeالإثنين أغسطس 31, 2009 1:22 pm


دخلت القاعة وقعدت أحكي (( سلام عليكم دار قوم مؤمنين ... انتم السابقون ونحن اللاحقون )) .. والا المراقب بيقول لي يللا ع درجك يا شب .. قعدت أدور ع الدرج الي عليه صورتي ورقم الجلوس ... حتى ( من اللخمة ) صرت ادوّر في الدروج الي قاعدة فيها طلاب ... عاد والله كنت عارف وين هو الدرج ..
فريد : استاذ ...
الاستاذ : نعم ..
فريد : نعم الله عليك ... الدرج انسرق ..
الاستاذ : انسرق!! ... مين الي بدو يسرقه ؟؟
فريد : وانا شو بعرفني ؟
الاستاذ : طب انتا شو اسمك ؟
رديت عليه : اسمي ؟ ...
الاستاذ : لعاد اسمي ؟
قلت له : وليد ... قصدي وحيد .. لا لا .. فريد خلص فريد جواب نهائي ...
قال لي : هيــّــك هون اول درج قبال اللوح ..
قلت بعقلي ( اخلع ... قبال اللوح ... وانا بخف عقلي من القعدة قبال اللوح بعرفش ليش )

المهم ... قعدت .. و أجا مشرف القاعات ومعاه اوراق الامتحان و فتحهن قدامنا ... ( اتذكرت قصة لطفي وصرت اضحك .. وكنت عارف انو هاي أخر ضحكة رح اضحكها من هون عابين ما تطلع النتائج ... )

مسكت الدرج وكنت بدي أخلع ( أشرد ) ... واتذكرت القصص الي كان يحكيلنا اياهن استاذ الرياضيات عن الي كان يصير في الامتحانات .. ( مرة طالب بعد ما مسك ورقة الامتحان صار يسرّخ ( ولكم مش شايف اشي .. الورقة سودا .. شايف كل اشي إلا الورقة .. كلها أسود بأسود .. وبعدين غيــّب ..))

(( القصة الثانية : واحد من الطلاب أوّل ما لقف ورقة الأسئلة اتطلع فيها شوي .. بعدين مسكها هي ودفتر الإجابة و ظله فاكح ولحقوه المراقبين برة المدرسة وما وصلوه الا وهو مولع دفتر الاجابة وقاعد بضحك بشكل هستيري وهو ينظر الى الدفتر وهو مكربج ))

عــــدنــــا <<< قلت في عقلي ( ممكن يكون مصيري زي هذولاك الطلاب الأسطوريين ؟!!!) ... ما شاء الله .. كيف الهمة ؟ ... عالية ...

أعطاني ورقة الاسئلة قلت احسن اشي بعمله اكتب اسمي قبل ما انساه زي قبل شوي .. لا حول ولا قوة الا بالله ..
اول ما بلشت بلشت بالضع دائرة .. ( ولك هذول الاسئلة من وين بجيبوهن ؟؟؟ .. أي والله لو انهم يهود الي بحطو الأسئلة ما هو هيك ) .. والأحلى من هيك انه المراقب واقف فوق راسي .. وبتطلع عليي كيف بحل .. و مفكرني بدي أغش .. صحيح انا مشكلجي بس والله العظيم أكره ما علي الغش .. كل الي غشيته في حياتي مرتين .. مرة وانا في الصف الثاني كان علينا تسميع سورة الماعون وكنت مش حافظها .. مسكت (( جزء عم ّ)) وحطيته جوّات الدرج .. وصرت أقرأ .. والمس مكيفة علي .. أكثر واحد حافظ ..

والمرة الثانية في الاول ثانوي في امتحان الأحياء وبالغلط .. اسمعت جواب سؤال كنت حافظه زي اسمي .. (وانا قاعد بدرس في المادة قلت هاظ السؤال شكله رح ييجي في الامتحان ورح انسى الاجابة .. وحدث ما توقعت ..)
بس كنت بدي اروح اقول للأستاذ هيك هيك القصة .. بعدين بطلت ..

عـــــــد نــــــــا <<<


بتطلــّـَـع ع الاستاذ بحكي بيني وبين حالي ( هسه هاظ مش جاي يوقف الا فوق راس أهلي ؟؟!!!! )
فريد : أستاذ ... لو سمحت ممكن تبعد شوي عشان أعرف أحل .. بكفيش مقعدني قبال اللوح ؟

الاستاذ : نعم يا حبيبي ... انا واقف في ملك الحكومة .. بعدين انت شكلك مشكلجي وبدك اياني ابعد عشان تعرف تغش ( لا بأحلامك .. ولا بأوهامك ) ..

فريد : يا حويوي .. شو هالوقعة الي وقعناها .. طيب يا حبيبي ظلك واقف الله يخليك لإمك ..

الاستاذ : شو حكيت ؟

فريد : ولا إشي ... بحكي ما أخف دمك ..
قلي طب يللا حل .. حل أحسن لك ..

حطيت راسي في ورقة الأجوبة .. حل حل .. الحمد لله خلصت الضع دائرة .. اطلعت ع الساعة والا هي 12 ...
يعني صارلي ساعة بحل في الضع الدائرة ومش متأكد ولا من وحدة ( يا ذكر الله ) .. وظايل علي يا 5 أسئلة يا 6 مش ذاكر وكل سؤال يتراوح ما بين 3 الى 4 فروع ..

بصراحة عينيّ دمـّّــعن وصرت بدي أعيط .. يا عمي ليش الحكي .. عيّــطت ..
قعدت أناور بالأسئلة .. حل حل .. وسبــّــح واستغفر يا فريد.. سبــّــح واستغفر يللا تا حليت نص الامتحان .. خلص الامتحان .. واطلعنا من القاعة ..
واحنا طالعين كان نسنوسة بستنى فيي تحت ( احنا ساكنين في حارة وحدة واحنا اصحاب منذ الطفولة )
بتطلــّع عليه والا عينيه حمر .. بقول له آآآآآآآآ يا نسنوسة .. بشــّــر ...
نسنوسة : إيش أقشر ؟ ( شكله العصب السمعي تبعه ضرب مع الامتحان )
بقول له شو يا نسنوسة ليش عينيك حمر ؟

علي (نسنوسة ) : انا الي عينيي حمر .. طيب روح شوف حالتك ع المراية ..

فريد : والله يا نسنوسة تبهوقنا .. فش كلام .. صرت أعيط في الامتحان ..
علي نسنوسة : وانا كمان صرت أعيط ..

واحنا في طريق العودة .. بيقول لي نسنوسة بدي أقترح عليك اقتراح ..

فريد : هات اقتراحك .. انت عليك اقتراحات ( تـــgـــنــّــن)
يعني أفكارك التي لا تجيئ إلا بخير ... ولك آراء سديدة في مواقف عديدة .. تفضل يا نسنوسة ...
نسنوسة : شو رأيك نزت حالنا من فوق جسر الجبل الشمالي ؟

فريد : بالله عليك .. شو شكلك ناوي تجيبلنا الحلقة الأخيرة ؟



علي : بلاش ... طب شو رأيك انطبق المثل الشعبي الي بيقول (اشرب عرق وانسى الي مرق)

انا خرطت مشطي الشغلة ... وكانت كابسة معاي .. انا عمري ما عملتها بس هاي من فوائد التوجيهي ( من فوائد التوجيهي : جلطة دماغية .. اضطراب عقلي .. انحراف كلي أو جزئي في المعايير الأخلاقية ( زي ما كان رح يصير معاي انا ونسنوسة) .. سكتة قلبية .. احولال في حدقة العين اليسرى .. وغير ذلك الكثير الكثير من الفوائد )) بس لا يا عمي انا مش بتاع الكلام ده ...

فريد : يا نسنوسة خلي أملك بالله كبير .. بعــوّض الله ..


يوم النتائج

وهظاك الحكي كوم ويوم النتائج كوم ثاني ... رحت عالمدرسة عشان اعرف النتيجة ... حالي حال كل الطلاب ..
وصلت مطرح ما هم معلقين ورقة العلامات .. بس كانت عجقة ..أمة سيدنا محمد _ صلى الله عليه وسلم_ كلها هون ... بتطلع ع شمالي لقيت نسنوسة قاعد بردح ...
علي ( نسنوسة ) : تعال ..... ( رحت عليه بيقول لي .. يللا فيع هيني انا واياك حملنا الرياضيات .. قلتله : ايش جبت من عندك ؟!! مني عارف من قبل ما اخلص الامتحان ..
المهم .. شو صار في الفيزيا ؟؟ ...
علي : الحمد لله .. انجحنا انت جبت 55/110 ... وانا 57/110 ... سجدنا سجود شكر لله تعالى انـــّــا خلصنا من الفيزيا وقرف الفيزيا واستاذ الفيزيا ...

واحنا في الساحة بيقول لي صاحبي اسمه أنس ...
آآآآآآآآآآ يا فريد قديش جبت في الرياضيات ؟

فريد : صلي ع النبي .. أنس : (اللهم صلي وسلم على سيدنا محمد)
فريد : جبت 21/100 ( ما شاء الله نيرد ونيرد هاي كلمة متداولة في الجامعة وتعني : الانسان الذي يحطم الارقام القياسية في العلامات)

أنس : ولك لو اني حليت الضع دائرة لحالها بجيب اكثر (عاد الضع دائرة عليها 20 علامة بس هو قاعد بتخوث )

فريد : ما شاء الله عليك .. طيب انت قديش جايب ؟

أنس : وحــّــد ربك ..

فريد : لا إله إلا الله ... قديش يعني ؟

أنس : ولك بقول لك وحــّــد ربك .... يعني واحد..
فريد : ومكيفلي ع حالك .. ومش عاجباتك الواحد وعشرين آآآآآآآ يا عرص ؟ ...
أجا شرد .. لحقته وشمطته شلوط ولحــّــقته بكف (عن مزح) .. بعدين ارجعنا وسلمنا ع بعض ..

لكن .. أبشركم .. قدمت الرياضيات المستويين 3 و 4 في الفصل الثاني علما اني قدمت المستوى الرابع قبل الثالث بيوم .. والحمد لله جبت في الرياضيات م3( 58/100 )
و م4 (50/100)
ملاحظة : حلفت يمين ما افتح وحدة المعدلات المرتبطة بالزمن وكان هذا هو سر نجاحي في ال م3
( احمدو الله واشكروه يللي انجحتو في التوجيهي
واللي لسه .. ربنا يوفقهم .. شدولنا حيلكم )

((( وآخر دعواهم ان الحمد لله رب العالمين )))
الرجوع الى أعلى الصفحة اذهب الى الأسفل
Mosab x3

Mosab x3


sms : النص



ذكر عدد المساهمات : 43
تاريخ الميلاد : 25/11/1992
تاريخ التسجيل : 25/08/2009
العمر : 31

ليلة القبض على التوجيهي Empty
مُساهمةموضوع: رد: ليلة القبض على التوجيهي   ليلة القبض على التوجيهي Icon_minitimeالإثنين أغسطس 31, 2009 2:59 pm

ثااااااااااااااااااانكس
الرجوع الى أعلى الصفحة اذهب الى الأسفل
MoOn LiGhT

MoOn LiGhT


مزاجي : ليلة القبض على التوجيهي 1210
sms :
When tears flow in your eyes... Always remember two things: I'm here and I care


A memory lasts forever, never does it die. True friends stay together and never say goodbye!
انثى عدد المساهمات : 2194
تاريخ الميلاد : 25/06/1996
تاريخ التسجيل : 03/04/2009
العمر : 27

ليلة القبض على التوجيهي Empty
مُساهمةموضوع: رد: ليلة القبض على التوجيهي   ليلة القبض على التوجيهي Icon_minitimeالأربعاء سبتمبر 02, 2009 4:10 am

يسلموووو انجل
الرجوع الى أعلى الصفحة اذهب الى الأسفل
rose

rose


مزاجي : ليلة القبض على التوجيهي 110
الاوسمه : ليلة القبض على التوجيهي 3h210
انثى عدد المساهمات : 1919
تاريخ الميلاد : 19/08/1993
تاريخ التسجيل : 30/03/2009
العمر : 30

ليلة القبض على التوجيهي Empty
مُساهمةموضوع: رد: ليلة القبض على التوجيهي   ليلة القبض على التوجيهي Icon_minitimeالأربعاء سبتمبر 02, 2009 9:36 am

ههههههههههه
قصة كتيير حلوة

مشكوووور انجل
الرجوع الى أعلى الصفحة اذهب الى الأسفل
prince

prince


مزاجي : ليلة القبض على التوجيهي 5510
sms : النص



الاوسمه : ليلة القبض على التوجيهي Tamauz
ذكر عدد المساهمات : 6465
تاريخ الميلاد : 05/02/1993
تاريخ التسجيل : 27/03/2009
العمر : 31

ليلة القبض على التوجيهي Empty
مُساهمةموضوع: رد: ليلة القبض على التوجيهي   ليلة القبض على التوجيهي Icon_minitimeالخميس سبتمبر 03, 2009 3:59 am

هههههههه روووعة

يسلموووو حبيبي عالموضوع الحلوووو
الرجوع الى أعلى الصفحة اذهب الى الأسفل
 
ليلة القبض على التوجيهي
الرجوع الى أعلى الصفحة 
صفحة 1 من اصل 1
 مواضيع مماثلة
-
» إلحقوا يا أعضاء شوفوا شو بدو يصير بأبناء التوجيهي

صلاحيات هذا المنتدى:لاتستطيع الرد على المواضيع في هذا المنتدى
أرض الاصدقاء :: الاقسام العامة :: قاعة المواضيع العامة-
انتقل الى: