بسم الله الرحمن الرحيم
ظاهرة ان الولد لازم يكلم البنت او البنت لازم تكلم ولد بالتلفون او بالمسنجر ظاهرة انتشرت بشكل فظيع شنو سببها :
1- هل الولد او البنت بداخلهم طاقة عاطفية يراد تفريغها للحبيب ؟
2- هل الولد او البنت محتاجين ان يكون لهم مرافق يشكون لبعض همومهم
3- هل الرومانسية والحب شي جميل وتكون بعالم ينسيك همومك
4- هل البنت محتاجة لاحد يحسسها بانوثتها
ظاهرة انتشرت بكل الاعمار والفئات واقدم لكم مثالين واقعيين للظاهرة :
1- باحد المدارس الخاصة للبنين بمنطقة حولي تشتغل سيدة بالسكرتارية عمرها 31 سنة عذراء يعني مو متزوجة ( والسبب بعدم زواجها راح تعرفون بعدين ) تعرفت السيدة على ولد عمره 18 برابعة ثانوي وحاولت تحتك فيه من بين 1000 طالب بالمدرسة وحاولت ان توصله للبيت من المدرسة وما قدرت ويوم من الايام قدرت ان تاخذ رقم الموبايل وقعدت تكلمه وتحقق هالشي واكتشفت ان الولد من فئة غير محددي الجنسية وعنده مشاكل مادية ومعنوية والولد وسيم وله قدرة من جذب البنات بس الولد مو شغل بنات وسوالف تلفونات بالليل بسبب همومه ومشاكله والولد حب البنت كاخت وما قدر يستغني عنها لانه اهي الي تحل مشاكله وابتعدت عنه لانه ما طلع الولد الي تبيه لعواطفها وراحت تعرفت على ولد ثاني من جنسية عربية وحقق لها الشي
تدرون ليش ما تزوجت واشتغلت بالسكرتارية لمدرسة شباب ؟
لانه تبي ولد يحسسها بانوثتها
2- ام تبلغ من العمر 28 عندها 3 اولاد وبنات اكبرهم عمره 5 سنين مشكلتها ان رجلها ما يقولها كلام حلو وتعرفت على ولد عمره 19 بس علشان يقولها كلام حلو وما تحقق هالشي من الشاب فقالتله خلنا نبتعد
بعدها الولد طلع ذكي وواعدها ببراحة قام باسها وحضنها ............ تدرون شنو موقف البنت بعدها
ما تبي تترك الولد لانه حقق لها الشي ويوم من الايام سافر رجلها ويابت الولد ببيتها وقعدوا بغرفة وحدة
شي جميل ان الولد يكون معاه مرافق بحياته يشكيله ويقول همومه للبنت وكان نهاية هالشي الزواج لانه هذا الحب الحقيقي الناجح والعكس صحيح للبنت
بس مرات الولد يستغل عاطفة البنت ويحسسها بانوثتها وتضعف البنت وتحب الولد وما تقدر تهده ويقص عليها ليوصل لشي او ليحقق هدف من اهدافه
ومرات البنت تستخدم الطريقة هذي لتذب الولد اليها وتسرق منه شي
موضوع حبيت الجميع يتناقش فيه
سلامو